මුස්ලිම් අන්තවාදයේ මීළඟ කුරුමානම වහබ්වාදයද?

පසුගිය දෙවසර තුළ ලාංකේය දේශපාලන කරළිය තුළ වඩාත් ජනප‍්‍රියවාදී භූමිකාවක් බවට පත්වූයේ බොදු බල සේනා සංවිධානයයි. එක් පිරිසකට එය බුදුදහම රැුකගැනීමේ ව්‍යාපාරයක් විය. තවත් පිරිසකට එය අන්තවාදී ආගමික සංවිධානයක් විය. තවත් පිරිසකට එය දේශපාලන බලවතෙකුගේ අතකොලූවක් විය. මේ සියලූ වරනැගීම් අතරින් ලාංකේය සිංහල සමාජයට නුහුරු වචනයක් වූ ‘හලාල්’ හරහාම ජනප‍්‍රියතම දේශපාලන ව්‍යුහය බවට පත්වන්නට බොදු බල සේනාවට හැකියාව ලැබුණි.
ෆැසිස්ට්වාදී හා කොමියුනිස්ට්වාදී සිතුවිලි සහිත ලාංකේය තරුණයාගේ ඇඟට දැනෙන වාග් මාලාවන් හරහා තම සන්ධානය වටා ගොනු කර ගන්නට හැකිවීම මතින්ම හලාල් විරෝධය මුස්ලිම් විරෝධී රැුල්ලක් බවට පරිවර්තනය වන තැනටම ඔසවා තබන්නට බොදු බල සේනාවට ගතවූයේ මාස 5ටත් අඩු කාලසීමාවකි. මේ අතරතුර සිහල රාවය වැනි සිංහල සංවිධානද බොදු බල සේනා සංවිධානය සමග එක්වෙමින් සංවිධාන ජාලයක් බවට පත්විය. බොදු බලයේ වචනයෙන්ම පවසන්නේ නම්,
‘මුස්ලිම් හලාල් සිංහලයන්ට හරාම්’ කරන්නට ඔවුනට සමාජයීය සිවිල් බලයක් ගොඩනැගුණි. එහි ප‍්‍රතිඵලයක් ලෙසින්ම හලාල් ප‍්‍රශ්නයෙන් ඔබ්බට ගමන් කරමින් සමාජ ¥ෂණයන්ට එරෙහිව හා දේශපාලකයන්ට එරෙහිව නැගීසිටින තත්ත්වයක් දක්වා ඔවුන් සවිමත්ව නැගී සිටියේය.
2012 නොවැම්බර් මාසයේදී සමස්ත ලාංකේය සිංහල සමාජයටම හොර රහසේ වසර 6ක සිට කි‍්‍රයාත්මක වෙමින් පැවති හලාල් සහතිකය නිකුත් කිරීමේ ජමිය තුල් උලමා සංවිධානයේ නිරුවත හෙළිකරමින් සමාජ ගතවූ බොදු බල සංවිධානය ජමිය තුල් උලමා සංවිධානය දුටුවේ සමාජ බෙදුම්වාදය ඇති කිරීම, ෂරියා නීතිය සමාජගත කිරීම හා සිංහල සමාජයට මුස්ලිම් අන්තවාදී ‘වහබ්වාදය’ හරහා බලය පෙන්වීමට උත්සහ දරන අන්තවාදී සංවිධානයක් ලෙසිනි.
බොදු බල සේනාවේ හලාල් විරෝධය උච්චත්වයට පත් වෙද්දීම 2013 මාර්තු මාසයේදී ආරක්ෂක ලේකම් ගෝඨාභය රාජපක්ෂ මහතාගේ මැදිහත් වීම හරහා හලාල් ප‍්‍රශ්නය සමථයකට පත් කෙරුණි. විරෝධතා දැක්වූ බොදු බලය පැත්තක සිටියදී ජනප‍්‍රිය මහා නායක හිමිවරු හා ජමිය තුල් උලමා සංවිධානය අතර පැවති සාකච්ඡුාවලින් අනතුරුව හලාල් සහතික නිකුතුව නතර කෙරුණු බවට ප‍්‍රකාශයක් නිකුත් කෙරුණි. මෙයට මැදිහත් වූයේද සර්ව ආගමික සහයෝගිතා න්‍යායයි. ජාතික පුවත්පත්වල ශීර්ෂ පාඨයන්හි පවා ‘හලාල් ඉවරයි’ යන්න සඳහන් විය.
එදා සිට අද දක්වා වසරකටත් අඩු කාලයක් ගතවෙද්දී් බොදු බල සේනාවේ මහලේකම්
ගලගොඩඅත්තේ ඥානසාර හිමියන් පවසන්නේ වෙනස් කතාවකි.

‘උලමලා කරන්නේ බොරුවක් කියලා අපි මුල ඉඳලම දැනගෙන හිටියා. හලාල් ප‍්‍රශ්නයේදී පැවති සාකච්ඡුාවලදී බැසිල් මහත්තයා මේ සම්බන්ධයෙන් කිසිදු දෙයක් ප‍්‍රකාශ කළේ නෑ. ඒ වගේම ආරක්ෂක ලේකම්වරයා මේක විසඳන්න කිව්වා. අද වනවිට
රැුවටිලාද? රවටනවද? නොතේරෙනවා
වගේ ඉන්නවද? කියන එක අපි දන්නෙ නෑ. කොහොම හරි උලමලා මහනායක හිමිවරු, ආරක්ෂක ලේකම්වරයා වගේම සමස්ත සමාජයම රැුවැට්ටුවා.’

එසේ නම් ජන බලයක් මතින් නැගී ආ බොදු බලය දේශපාලකයකු ඉදිරියේ
රැුවටී ඇතැයි යන්න ඔවුන්ගේ සිත් තුළම ප‍්‍රශ්නයක් ලෙසින් මතුවෙමින් ඇත. එය සාධාරණ තර්කයකි. ජාතිය ඉදිරියේ හලාල් ඉවර කරන්නට පොරොන්දු වූ ජමිය තුල් උලමා සංවිධානය පසුගිය ජනවාරි 06 වැනිදා මාධ්‍ය නිවේදනයක් නිකුත් කළේය. එහි සඳහන්ව තිබුණේ 2014 ජනවාරි පළමු වැනිදා සිට ජමිය තුල් උලමාහි ආහාර සහතික කිරීමේ අංශය නතර කිරීමට තීරණය කර ඇති බවය. ඒ වෙනුවට ජමිය තුල් උලමා ආගමික වියතුන්ගේ සංවිධානයේ උපදෙස් මත ක‍්‍රියාත්මක වන ලංකාවේ ප‍්‍රකට ඉහළ පිළිගැනීමක් සහිත වෘත්තීයවේදීන්ගෙන් සැදුම්ලත් වෙනම ආයතනයක් පිහිටුවන බවය.
යළිත් ‘හලාල්’ සටන කරළියට පිවිසෙන්නේ මේ හරහාය. ඒ 2013 මාර්තු 12 වැනිදා සිට නවතා දැමීමට පොරොන්දු වූ හලාල් සහතිකය නිකුත් කිරීමට වෙනම ආයතනයක් පිහිටුවීම තුළ බොදු බල සේනාව රැුවටී ඇති බව වැටහෙන්නට පටන්ගැනීමත් සමගය. එය තවත් වර්ධනය වන්නේ නව සංවිධානය ජනවාරි පළමු වැනිදා සිට කි‍්‍රයාත්මක වන බව එම ලිපියේ දක්වා ඇතත් ආයතනයේ නම හෝ වෙනත් කිසිදු තොරතුරක් මාධ්‍යයට හෙළි නොකිරීම නිසාය.
දෙවැනි කාරණය වනුයේ ජනවාරි 6 වැනි දා මාධ්‍යයට ලිපිය ඉදිරිපත් කර ඇත්තේ ජනවාරි පළමු වැනිදා වසා දමන ලද ජමිය තුල් උලමාහි ආහාර සහතික කිරීමේ අංශයට අයත් ලිපි ශීර්ෂයක් යටතේ වීම තුළම මාධ්‍යයද රැුවටීමකට ලක්වී ඇති බව බොදු බල සේනාව පෙන්වා දෙයි. ඒ කෙසේ වෙතත් බොදු බල සේනාවේ විරෝධය උපයෝගි කර ගනිමින් හලාල් සහතිකය නිකුත් කිරීමේ අයිතිය ප‍්‍රබල දේශපාලකයකුට අයත් කොම්පැනියක් ලබාගත් බවටද විවිධාකාරයේ චෝදනාද බොදු බලය දෙසට එල්ල වෙමින් පවතී.
වසර හයක් තිස්සේ ලාංකේය නිෂ්පාදනයන්ට හලාල් සහතිකය මුදලට ලබාදුන් ජමිය තුල් උලමා සංවිධානයද කුරාණයේ සඳහන් නීතිවලට පිටින් යමින් කටයුතු කර ඇත. එනම් කුරාණයේ සඳහන් වන්නේ හලාල් සහතිකය වෙනුවෙන් මුදල් අය කිරීම තහනම් බවය. එසේ නම් හලාල් සහතිකය හරහා සිදුව ඇත්තේ මුල්‍ය වංචාවකි. ඈත අතීතයේ සිටම මුස්ලිම්වරු හලාල් ආහාර අප රට තුළ භාවිත කළද එය ඔවුන්ගේ සංස්කෘතිය තුළට සීමාවූ කාරණයක් මිස සමාජ ගැටලූවක් බවට පත්වූයේ නැත. අනෙක් කාරණය වන්නේ වර්තමානය වනවිට හලාල් සලකුණ යනු මුස්ලිම් මිනිසුන් මිලදී ගත යුතු භාණ්ඩ වර්ගය තීරණය කරන සලකුණක් දක්වා වර්ධනය කරන්නට තරම් ජමිය තුල් උලමා සංවිධානය බලවත් වී ඇත. ආහාරවල තත්ත්වය තීරණය කිරීමේ ක‍්‍රමවේදය හරහා ඉදිරිපත් කෙරුණු හලාල් සහතිකය අද වනවිට දත් බුරුසුව, තේ කොළ පැකැට්ටුව දක්වාම වර්ධනය වී ඇත. ලෝකය තුළ මෙවන් තත්ත්වයක් දැකගත නොහැකි අතර ආහාර සම්බන්ධයෙන්ද බොහෝවිට සඳහන් වන්නේ එහි අන්තර්ගතයන් මිස හලාල් ලකුණක් නොවේ. අන්තර්ගතයන් හරහා ඒ තුළ ඌරු තෙල් අඩංගුද යන්න සොයා ගත හැකිවීම හරහා මුස්ලිම් රටවලටද එම ආහාර අලෙවි කිරීම සිදුවෙයි.
ජමිය තුල් උලමා සංවිධානය මෙන්ම දේශීය ව්‍යාපාරිකයන්ද හලාල් සහතිකය ලබා ගැනීමට ඉදිරිපත් වීමට බලපාන ප‍්‍රධානම හේතු සාධකය ලෙසින් පෙන්වා දුන්නේ ලාංකේය හා ලෝක මට්ටමෙන් ව්‍යාපාර ප‍්‍රවර්ධනය කිරීමේදී මුස්ලිම් ජනතාව යන සාධකයයි. එහෙත් එය ජමිය තුල් උලමා සංවිධානය බලහත්කාරයෙන් මුස්ලිම් ජනයා මත ඇති කළ පීඩාවක් මිස යථාර්ථයක් නොවන්නේ මැදපෙරදිග බොහෝ රටවල විදේශවලින් ගෙන්වන භාණ්ඩවල හලාල් සහතිකය දැකගත නොහැකි වීමයි. දෙවැනි කාරණය වනුයේ මිලයන 7000ක් වන ලෝක ජනගහනයෙන් මුස්ලිම් ජනගහනය මිලියන 1500ක් පමණ වීමත් ලාංකේය ජනගහනයෙන් මුස්ලිම් ජනගහනය 9%ක් වීමත් තුළ වෙළෙඳපොළ සම්බන්ධයෙන් ගැටලූවක් මතුවේ යැයි පැවසීම තර්කයක් නොමැති කතාවකි. එසේනම් මෙහි ඇත්තේ දැවැන්ත රැුවටීමකි.
දේශීය ව්‍යාපාරිකයන්ද එයට හසුවී ඇත. බොදු බල සේනාව පෙන්වා දෙන පරිදි බොහෝ ආයතන වෙතට ගොස් හලාල් සහතිකය ලබාගන්නට බල කර ඇත. එයට හේතු ලෙස පවසා ඇත්තේ මුස්ලිම් ප‍්‍රදේශවල මේවා මිලදී ගැනීම ප‍්‍රතික්ෂේප කිරීම හරහා ව්‍යාපාර බිඳ වැටීමට ඉඩ ඇති බවය. ජනගහනය මත එය සිදු නොවන්නක් බව තේරුම්ගැනීමට ව්‍යාපාරිකයන් බුද්ධිමත් නොවන්නේ ඇයිද යන්න තේරුම්ගත නොහැක්කකි.
ජනවාරි නව වැනිදා ජමිය තුල් උලමා සංවිධානය විසින් නව ආයතනය ලියාපදිංචි කරන ලදී. එය නම් කර ඇත්තේ ‘සීමා සහිත හලාල් ප‍්‍රතීතන කවුන්සිලය’ ලෙසය. මෙය පිහිටුවීමත් සමගම බොදු බල සේනාව යළිත් දැවැන්ත අරගලයකට සැලසුම් සකස් කරමින් සිටියි. මෙවර එහි සටන් පාඨය වෙනස්ය. එදා ‘හලාල් වර්ජනය කරනු!’ ලෙසින් ගෙන ආ සටන් පාඨය අද ‘වහබ්වාදය පතුරුවන හලාල් හා ජමිය තුල් උලමා සංවිධානය තහනම් කරනු!’ යන තැනට වෙනස්වී ඇත.
බොදු බල සේනාවේ එදා සටන මැදට අතර මඟින් ඇතුළු වී සටන සමථයකට පත්කළ මහනායක හිමිවරු වෙත අභියෝගාත්මක ලිපියක් යොමුකරන බොදු බල සේනාවේ මහලේකම් පූජ්‍ය ගලගොඩඅත්තේ ඥානසාර හිමි පවසන්නේ වහා මෙයට මැදිහත් වී මෙය නතර කිරීමට නායක හිමිවරු මැදිහත් විය යුතු බවත් එයට ඔවුන් වගකිව යුතු බවත්ය. එසේ නැතහොත් හලාල් විරෝධය නාහිමිවරු වටා ගොනුවනු ඇති බවත්ය.
හලාල් සහ ලාංකේය දේශපාලනය කොතරම් බද්ධ වී ඇතිදැයි සිතාගත නොහැකි තරමට එය වැඞී අවසානය. පසුගිය කාලය තුළ සංචාරක අමාත්‍යාංශයේ නිලධාරින් පිරිසක් තරු පංති හෝටල්වලට ගොස් හලාල් ආහාර හා මුස්ලිම් යාච්ඤා වෙනුවෙන් කාමර දෙකක් වෙන් කරන්න උපදෙස් දුන් බවට වාර්තා විය. මෙය ආරම්භයක් වුවත් මෙය ඉතා ගැටලූකාරී තත්ත්වයකි.
එසේම මුස්ලිම් ජනතාව වෙනුවෙන් කි‍්‍රයාත්මක වන විශේෂිත ‘කාති උසාවි’ 58ක් මේ වනවිට ලංකාව පුරා ඉදිකර කි‍්‍රයාත්මක වෙමින් පවතී. ලංකාවේ පොදු නීතියට පිටින් විශේෂිත උසාවි පද්ධතියක් ඔවුන් වෙනුවෙන් පැවතීම තුළම ඔවුන් සෑම දෙයක් තුළම බෙදුම්වාදය පතුරුවන්නට උත්සහ දරන බව අමුතුවෙන් කිව යුතු නැත. වහබ්වාදය මුස්ලිම්හි අන්තවාදී න්‍යායයි. ලංකාවේ මුස්ලිම්වරු කොතෙක් සිටියත් තලේබාන්වරු මෙන් රැුවුල් වවාගෙන සිටියේ නැත. එහෙත් වහබ්වාදය සමගින් මේ ආකාරයේ අන්තවාදී පිරිස් ටිකින් ටික බිහිවෙමින් සිටිති.
අනෙක් කාරණය වනුයේ මත්ද්‍රව්‍ය හා ආරක්ෂාව වෙනුවෙන් වාහනවල කළු කණ්ණාඩි ඉවත්කිරීමට වඩා වැදගත් වන්නේ මුස්ලිම් බුර්කාව තහනම් කිරීමය. පසුගියදා බුර්කාව තුළ සඟවාගෙන ගොස් කළ මහා පරිමාණ කුඩු ජාවාරමක තොරතුරු හෙළි විය. එසේම බුර්කාව තුළ සැඟවී ප‍්‍රහාර එල්ල කරන විදේශීය ත‍්‍රස්තනායකයකු පිළිබඳ තොරතුරු හෙළිවිය. මේ සියල්ලම අතරින් පසුගිය කාලයේ සමන්තුරේ ප‍්‍රදේශයේදී ෂරියා නීතියට අනුව මිනිසෙකුව ගල් ගසා මරා දැමුණි. මේ ෂරියා නීතිය තවමත් කි‍්‍රයාත්මක නොවන තත්ත්වයක් තුළය.
එසේම මේ අතරතුර මුස්ලිම් බැංකු පද්ධතියක්ද දිගින්දිගටම වර්ධනය වෙමින් පවතී. ලාංකේය බැංකු පද්ධතියේ අස්ථාවරත්වය තුළ මුල්‍ය ක්ෂේත‍්‍රයද මුසල්මානුවන් ආක‍්‍රමණය කිරීම අරඹා ඇත. මෙය දැඩි අවදානම් තත්ත්වයකි. මෙය මුල්‍ය ක්ෂේත‍්‍රය පිළිබඳ රජයට උපදෙස් දෙන්නන්ට නොතේරීම පිටුපස ඇත්තේ නොතේරීමද? වරදාන මත නොතේරෙන්නා සේ සිටීමද? කියා සිතිය යුතුව ඇත.
මුස්ලිම්කරණයේ වත්මන් අවදානම් සහගත සාධකය බවට පත්වෙමින් ඇත්තේ සිංහල තරුණියන් විවාහ කර ගැනීම වෙනුවෙන් මුස්ලිම් තරුණයන්ට මුදල් ලබාදීමට බිහිවී ඇති මුස්ලිම් රාජ්‍ය නොවන සංවිධානයයි. මේ හරහා ඉතා සියුම් ලෙස සිංහල පවුල් තුළට මුස්ලිම් අන්තවාදය රිංගවීමට උත්සහ දරන අතර ඒ හරහාම සිංහල පවුල් මුස්ලිම්කරණය කිරීමද සිදුවෙයි.
මුස්ලිම් ඡුන්ද පදනම දෙස බලමින් කි‍්‍රයාත්මක වන වත්මන් දේශපාලකයන්ට රටදෙස බලන්නට කාලය එළැඹ ඇත. නැතහොත් මෙය යළිත් අරගලයක ආරම්භයට පදනම සැකසීමක් වනු ඇත. හලාල් එහි ආරම්භයයි.
9%ක් වූ මුස්ලිම් ජනගහනයක් මතින් අන්තවාදී සංවිධානයකට ලංකාවේ භාණ්ඩ හා සේවාවල තත්ත්වය තීරණය කරන්නට යෑම මහාපරිමාණ අර්බුදයක් නිර්මාණය කරනු ඇත. ලංකාවේ අන්තවාදයක් නැතැයි කිසිදු සිංහල දේශපාලකයකුට කියන්නට ඇති අයිතිය අහෝසි වී ඇත. එයට හේතු වනුයේ බස්නාහිර ආණ්ඩුකාරවරයා වන මුස්ලිම් ජාතික අලවි මවුලානා ඒෂියන් ටි‍්‍රබියුන් සඟරාවට පැවසූ ප‍්‍රකාශයයි. ඔහු පවසන පරිදි ලංකාව තුළ නිර්මාණය වෙමින් පවතින වහබ්වාදය සාම්ප‍්‍රදායික පල්ලියට හා කුරාණයට විරුද්ධව කි‍්‍රයාත්මක වෙමින් පවතී.
වහබ්වාදය සාම්ප‍්‍රදායික මුස්ලිම්වරුන්ටද තර්ජනයක් නම් එය සිංහලයාට කොතරම් තර්ජනයක් වනු ඇත්ද යන්න සිතාබැලිය යුතුය.

හලාල් කියන්නේ වහබ්වාදයේ ආරම්භක අවස්ථාවක්

ගලගොඩ අත්තේ ඥානසාර හිමි
මහ ලේකම්
බොදු බල සේනා සංවිධානය

අපි ගාව තියෙනවා වාණිජ මණ්ඩලයේ නිලධාරින් හෝටල් වෙත ලබාදුන් ලිපියක්. අප ඒ සම්බන්ධයෙන් මේ වනවිට වැඩිදුර සොයාබැලීම් කරගෙන යනවා. අපි ඉදිරි සතියේදී මේ සම්බන්ධයෙන්ම මාධ්‍ය දැනුවත් කරනවා. හලාල් සම්බන්ධයෙන් අපි දැවැන්ත විරෝධයක් ගොඩනගන්න කටයුතු අරඹනවා. එය ගමින් ගමට, පන්සලෙන් පන්සලට, ගෙයින් ගෙයට සහ පුද්ගලයාගෙන් පුද්ගලයාට ආදී ලෙසින් පැතිරීගිය කාර්යයක් දක්වා පුළුල් කරනවා. රටේ පාලකයන්ට අහක බලාගෙන ඉන්න බෑ. මේක ඉතා බරපතළ තත්ත්වයක ආරම්භයක්. මේ හලාල් කියන්නේ වහබ්වාදයේ ආරම්භක අවස්ථාවක්.
හලාල් සියයට 90ක් වූ සිංහල බෞද්ධයා මත බලෙන් පැටවීමට අප දැඩි ලෙසම විරුද්ධයි.

බොදු බල සේනාව කරන මේ ප‍්‍රකාශය පිළිගන්න බැහැ

ජයන්තිස්ස කෙහෙල්පන්නල

සභාපති හෝටල් හිමියන්ගේ සංගමය
(වාණිජ මණ්ඩලය අනුබද්ධිත*

කිසිසේත්ම මේ වැනි සිදුවීමක් සිදුවෙලා නෑ. අප හෝටල්වල පරිපාලයන සම්බන්ධයෙන් කිසිදු මැදිහත්වීමක් මේ දක්වා සිදුවෙලා නෑ. අප හෝටල් සම්බන්ධයෙන් යම් ආකරයක පහසුකම් සැපයීමේ කාර්යයන්ට මැදිහත් වුවත් මෙවැනි (දේවල්ට* මැදිහත් වෙන්නේ නෑ.
බොදු බල සේනාව විසින් සිදුකරනු ලබන මේ ප‍්‍රකාශය අපිට පිළිගන්නට බෑ. ඒ ඒ හෝටල්වල අවහ්‍යතාවන් පරිදි මෙවැනි දේවල් කරන්නට පුළුවන් ඒත් ඒක අපෙන් හෝ වාණිජ මණ්ඩලයෙන් කෙරෙන දෙයක් නොවෙයි.

මාධ්‍යට කරුණු කියන්න වගකිව යුත්තන්ගෙන් උපදෙස්  ඕන 

අර්ෂාද් මොහොමඞ්
මහජන තොරතුරු අංශය
ජමිය තුල් උලමා සංවිධානය

මේ පිළිබඳ දැනට මාධ්‍යයට නිකුත් කර ඇති තොරතුරුවලට වඩා වැඩියමක් අපට නිකුත් කළ නොහැකියි. ඒ සඳහා එහි වගකිව යුතු
අයගෙන් නිසි උපදෙස් ලැබිය යුතුයි. ආහාර සහතික කිරීමේ අංශය පාලනය වෙන්නේ වෙනම නිලධාරි පිරිසක් යටතේයි.

කාංචන ගීත් මනමේන්ද්‍ර